Kumanovë, 20 maj 2012 (MIA) – Në Teatrin Shqiptar të Kumanovës sonte shfaqet para publikut kumanovaras, premiera e shfaqjes “Mirandolina”, e autorit Carlo Gol Doni, me regji të Kushtrim Bekteshit.

Në këtë shfaqje do të jenë kryesisht aktorët kumanovarë: Vjollca Bekteshi – Hamiti në rolin e Mirandolinës, Musa Isufi, Sefedin Shabani, Shkëlqim Islami, Qazmendi Nuredini, Enver Halimi,Mirsad Abazi, Aida Alidemi, Aida Elezi, etj.

Aktori kumanovar, Musa Isufi deklaroi se kjo shfaqje është një ngjarje historike për shqiptarët dhe Kumanovën, ku për herë të parë hapet sipari i një shfaqje teatrore profesionale.

Hapja solemne me këtë shfaqje të Dramës shqipe në Kumanovë ka marrë mbështetjen e shumë qytetarëve dhe është paralajmëruar prania masive e kumanovarëve.raporton Mia

Messi golashënuesi më i mirë i Ligës së Kampionëve

0 Comments

Sulmuesi i Barcelonës, Lionel Messi, e ka përfunduar sezonin 2011/2012 të Ligës së Kampionëve si golashënuesi më i mirë me 14 gola në 11 paraqitje, duke barazuar kështu rekordin e Jose Altafinit, legjendës së Milanit që shënoi numër të njëjtë golash në sezonin 1962/1963.

Argjentinasi shënoi dy herë ndaj Bates, tre herë ndaj Plzenit dhe një herë ndaj Milanit, për të bërë gjashtë gola nga pesë ndeshje në fazën grupore, përderisa shënoi edhe gjashtë herë të tjera në dy ndeshje ndaj Leverkusenit dhe edhe dy gola tjerë ndaj Milanit në Camp Nou.

Në vendin e dytë është Mario Gomez, sulmuesi i Bayernit që shfaqi paraqitje të mjerrueshme në finale të Ligës së Kampionëve, me ç’rast përfundon me vetëm 12 gola nga 12 ndeshje të luajtura.

Vetëm në vendin e tretë gjendet superylli i Real Madridit, Cristiano Ronaldo, me 10 gola. raporton kohasporti

Çikago, 20 maj 2012  - Vizioni i NATO-s për ballafaqim me sfidat e sigurisë më shekullin 21, do të konfirmohet në Samitin e 25-të që sot dhe nesër do të mbahet në Çikago. Zgjerimi i Aleancës nuk është në axhendë.

Në fokus së organizatës më të fuqishme ushtarako-politike do të jenë tri tema – Afganistani në periudhln e transicionit dhe më pas, kapacitetet e NATO-s për ballafaqim me sfidat e sigurisë lidhur me “mbrojtjen e mençur” të re dhe mburoja kundërraketore në Evropë, si dhe përforcimi i rrjetit të partneritetit të Aleancës nëpër botë.

Në Çikago, liderët do të kenë mundësi t’i shndërrojnë vendimet nga Samiti i Lisbonës në programe dhe nisma konkrete. Kjo do të thotë se NATO-ja duhet të vazhdojë me investimet politike, ushtarake dhe ekonomike që ta ruajë fuqinë e Aleancës, gjegjësisht duhet të mbetet e përkushtuar në parimet e veta, e gatshme t’i sigurojë kapacitett e nevojshme dhe t’i zhvillojë marrëdhëniet me partnerët. Sekretari i përgjithshëm i NATO-s Anders Fog Rasmusen shfaqi bindje se në Samit do të konfirmohet solidariteti i fuqishlëm i NATO-s, madje edhe në kohërat e vështira ekonomike, Aleanca e cila është e përkushtuar, e aftë dhe e ndërlidhur.

Republika e Maqedonisë në Samitin do të prezantohet nga presidenti Gjorgje Ivanov dhe ministrat e Mbrojtjes dhe të Punëve të Jashtme Fatmir Besimi dhe Nikolla Poposki. Delegacioni i Maqedonisë në të cilin janë edhe ambasadori i misionit pranë NATO-s Martin Trenevski dhe ambasadori në Shtetet e Bashkuara të Amerikës Zoran Jolevski.

Në suaza të Samitit, delegacioni i Maqedonisë, do të marrë pjesë në mbledhjen e paraparë për anëtaret e NATO-s dhe vendet – pjesëmarrëse në mision ISAF në Afganistan, që do të mbahet më 21 maj. Presidenti Ivanov do të mbajë fjalim në këtë mbledhje. Ditën e njëjtë është paraparë edhe takim i ndarë në nivel ministror të Maqedonisë, Malit të Zi, Bosnjë e Hercegovinës dhe Gjeorgjisë me vendet anëtare të NATO-s.

Është paraparë anëtarët e delegacionit të Maqedonisë të kenë një numër të madh takimesh me shtetet – anëtare të NATO-s.

Në aktivitetin intensiv diplomatik para Samitit, Republika e Maqedonisë kërkoi nga NATO-ja dhe SHBA-ja si vend lider mbështetje për anëtarësim të plotëfuqishëm në Aleancë dhe revizion të konkludimit nga Samiti i Bukureshtit në bazë të vendimit të Gjykatës Ndërkombëtare të Drejtësisë në Hagë.

Kryeministri Nikolla Gruevski u dërgoi letër liderëve të shteve – anëtare të NATO-s, në të cilën kërkoi që në axhendën e Samitit në Çikago të vendoset kërkesa për pranimin e Republikës së Maqedonisë, duke marrë parasysh se vendi i përmbushi kriteret për anëtarësim, ndërsa me pjesëmarrjen në misionin e Aleancës ISAF në Afganistan tregoi se mundet t’i marrë obligimet nga anëtarësimi.

Vullneti politik për pranim në Aleancë është konfirmuar edhe me Deklaratën e paradokohshme për riafirmimin e realizimit të qëllimit strategjik për anëtarësimin e Republikë së Maqedonisë në NATO  tëmiratuar në Kuvend.

Përndryshe, për momentin 182 pjesëtarë të ARM-së marrin pjesë në disa operacione paqesore jashtë kufijve të Republikës së Maqedonisë. Nga viti 2002 deri në vitin 2012 gjithsej në misione jashtë Republikës së Maqedonisë kanë marrë pjesë paqëruajtës nga Maqedonia në Irak 493, në Afganistan 2.021, BeH 202 dhe pesë në Liban.

Maqedonia e filloi pjesëmarrjen në NATO operacionin e udhëhequr ISAF në gusht të vitit 2002. me dërgimin e dy oficerëve si pjesë e kontingjentit turk. Më 8 shtator, Dita e pavarësisë së Republikës së Maqedonisë, flamuri i Maqedonisë për herë të parë valoi në Kabul. Në vitin 2003, ARM-ja e rriti kontributin e saj në ISAF me dërgimin e një njësie nga përbërja e brigadës së dytë këmbësorike si pjesë e kontigjentit gjerman.

Në rotacionin e dytë të çetës për sigurimin e Komandës së ISAF-it, Republika e Maqedonisë e rriti prezencën nga 90 në 127 pjesëmarrës, ndërsa nga janari i vitit 2008 dërgoi edhe tre oficerë shtabor në Komandon e ISAF-it në Kabul.

Për momentin Republika e Maqedonisë merr pjesë me një çetë të mekanizuar këmbësorike. Numri i përgjithshëm i pjesëmarrlsve për momentin është 142. Deri tani Republika e Maqedonisë ka marrë pjesë gjithsej me 790 pjesëmarrës në ISAF.

Përndryshe, rreth 10.00 njerëz, në mesin e të cilëve edhe 2.000 gazetarë, kanë ardhur në Çikago për shkak të ngjarjes. Shërbimi sekret vlerëson se në qytet do të arrijnë edhe mes 10.00 dhe 100.000 demonstrantë. Për sigurimin e pjesëmarrësve të Samitit në qytet do të angazhohen 3.100 pjesëtarë të policisë në Çikago. Qendra komanduese multikomunikuese e cila do t’i monitorojë të gjitha ngjarjet në dhe rreth Samitit është vendosur në lokacion sekret jashtë Çikagos, për çfarë janë angazhuar mbi 40 agjenci, duke përfshirë edhe FBI dhe Shërbimin Sekret.

Një grua 73 vjeçare japoneze është ngjitur në majë të Mont Everestit duke shënuar rekord të ri për gruan më të vjetër që arrin në majë.

Tamae Uatanabe e ka arritur majën prej 8 mijë e 850 metrash nga pjesa veriore e malit të Tibetit së bashku me katër anëtarë tjerë të ekipit.Në vitin 1975 një grua tjetër japoneze. Junko Tabei, u bë gruaja e parë në botë që u ngjit në Mont Everest.

Real Madrid ka udhëtuar të mërkurën në drejtim të Kuvaitit dhe të enjten ka zhvilluar një miqësore me përfaqësuesen e këtij vendi duke fituar në shifrat 2-0. Në këtë takim, Cristiano Ronaldo realizoi edhe golin e 68-të sezonal, pasi rrugën e avantazhin e kishte hapur mesfushori Angel Di Maria.

Por më shumë sesa ky lajm, media madrilene, me të përditshmet e saj “AS” dhe “”Marca” ka zbuluar se në Lindjen e Mesme trajneri Jose Mourinho ka parashtruar një nga ndryshimet kryesore në skuadër për sezonin e ardhshëm.

Duke parë shifrat stratosferike të yllit portugez, tekniku i “Los Blancos” është gati që në sezonin 2012-2013 t’i japë ekipit një kapiten të ri dhe pikërisht Cristiano Ronaldon.

Por kjo ide do të thotë jo vetëm që shiriti i kapitenit t’i hiqet nga krahu ikonës së skuadrës, Iker Casillas, por mbi të gjitha rihapjen e një plage që pas fitores së titullit u mendua e mbyllur.

Me marrjen e drejtimit të skuadrës nga Jose Mourinho, dhomat e zhveshjes së kampionëve të Spanjës janë ndarë më dysh mes grupit të portugezëve që e mbështesin trajnerin dhe grupi spanjoll, që kërkon më shumë të mbrojë një identitet të Realit. Casillas me shokë nuk e kanë pëlqyer aspak acarimin që Mourinho i ka futur në rrënjë grupit lidhur me rivalitetin e ashpër që ata kanë pasur në këto dy sezone të fundit me Barcelonën, skuadër në të cilën luan një pjesë e mirë e Kombëtares spanjolle.

Ky agresivitet i injektuar në ndeshjet e fundit ka bërë që Ramos, Xabi Alonso, Xavi, Iniesta, Busquets e Valdes të shkëmbejnë grushte mes tyre, ndërsa faljet dhe pajtimi ka ardhur vetëm gjatë grumbullimit të tyre në ekipin Kombëtar. Jo rrallë herë Iker Casillas ka dalë kundër trajnerit të tij, duke theksuar se kjo politikë është e gabuar dhe siç e dimë tashmë, “Special One” nuk është nga ata që i pëlqen lojtarët që e kundërshtojnë.

Për këtë arsye, lëvizja e parë që tekniku luzitan kërkon të bëjë në sezonin e ardhshëm është dhënia e shiritit të kapitenit Cristiano Ronaldos, por tani duhet të shohim sesa një veprim i tillë do të pranohet nga Casillas, i cili edhe në të kaluarën ka qenë shumë i qartë mbi këtë temë.raporton orasport

Bayerni: Lahm 1:0,Gomez 2:0, Neuer 3:1, Olic gjuan pret Cech 3:2, Schweinsteiger qellon shtyllen 3:2

Chelsea: Mata gjuan pret Neuer 1:0, Luiz 2:1, Lamprad 3:2, Cole 3:3, Drogba shenon penalltine vendimtare, 3:4.

Serinë e penalltive do ta fillon Bayerni përkatësisht Lahm

Përfunduan pa fitues edhe 30 minutat e vazhdimeve, kampioni i i ri do të përcaktohet pas ekzekutimit të penalltive.

120′ KV: Torres ndëshkohet me karton të verdh për shkak të protestave ndaj gjyqtarit.

119’ Bie pak sa ritmi i lojës, skuadrat sikur janë pajtuar që fatin e këtij takimi ta zbardhin penalltitë.

116’ Robben harkon dobët nga goditja e lirë e dënimit.

111’ Gomez për pak sa nuk e shndërroi në gol asistimin e Lahm, por ndërhyri Luiz duke devijuar topin në rivënie nga këndi.

107’ Goditje nga këndi për Bayernin, ndërkaq Boateng ë pas mundohet nga distanca të shënoi por topi u ndal larg portës.

106’ Filluan 15 minutat e fundit të lojës, Chelsea nis topin nga mesfusha.

Përfundoi vazhdimi i parë, me rezultat të ngjashëm si ai i 90 minutave, 1:1. Tani kanë mbetur edhe 15 minuta të tjera në rast të barazimit atëherë enigmën e fituesit do ta zgjedhin goditjet nga pika e bardhë.

105’ Sinjalizohet një minutë lojë shtesë

104’ Torres mirë harkon në zonë, ndërkaq topi për pak sa nuk përfundon në kokën e Drogbës, pasi e devijuan mbrojtësit e Bayernit.

96’ Bayern i pafat, pas penalltisë humbi edhe Riberyn. Ai shqetëson bavarezët tej mase, ylli francez për shkak të lëndimit që pësoi në atë ndërhyrjen e Drogabas e detyroi atë të lëshon tapetin e gjelbërt. Vendin e tij e zuri sulmuesi kroat, Olic

95’ Cech hero i vërtet i këtij takimi, ndalë goditjen e holandezit Robben nga pika e bardhë.

93′ KV: Drogba për shkak të kësaj ndërhyrje ndëshkohet edhe me kartonin e verdhë

93’ Penallti për Bayernin, Robben ndalët në mënyrë të palejuar brenda zonës nga shënuesi i vetëm i Chelsea.

91′ Vazhdon drama në Munchen, sapo filloi vazhdimi i parë prej 15 minutash.Këtë radhë nga mesi i fushës të parët nisën nga futbollistët e Bayernit

Përfunduan 90 minutat e kohës së rregllt, ndërkaq tani do të ndjekim vazhdimet dy herë nga 15 minutat në “Allianz Arena”

90+4’ Drogba ekzekuton goditjen e dënimit nga pozita ballore, por gjuajtja e tij përfundon mbi portë.

90’ Sinjalizohen tre minuta lojë shtesë.

88’ Goooool, Bayern Munchen – Chelsea 1:1. Droga gjendet më së miri pas ekzekutimit të goditjes së dytë nga këndi dhe me kokë barzon shifrat.

86’ Shënuesi i golit të vetëm, Muler zëvendësohet nga mbrojtësi gjigant Van Byten

86’ KV: David Luiz ndëshkohet me kartonin e verdhë për të quar në dy numrin e kartonëve për Chelseas.

84’ Menjëherë reagon trajneri Di Mateo duke inkuadruar në lojë sulmuesin spanjoll Torres, i cili zëvendësoi Kaloun

83’Goooool, Bayern Munchen – Chelsea. Muler shënon me kokë nga afërsia pas harkimit nga e majta në zonë nga Kroos, për të zhbllokuar më në fund rezultatin pas një sërë atakimesh drejt portës së Chelsea.

81’ KV: Cole ndëshkohet me kartonin e verdhë pas ndërhyrjes së ashpër ndaj Mulerit.

76’ Cech me mund të madh dëbon topin në goditje nga këndi, pas harkimit të rrezikshëm nga Ribery

74’ Chelsea ndryshon formacion, Bertrand zëvendësohet nga francezi me përvojë, Malouda

72’ Contento pastron zonën, pas harkimit të Drogas në zonë

71’ Drogba e Kaloi mundohen të shqetësojnë portierin Neuer, por ky i fundit me maturi zgjidh problemin

70’ Kroos goditi fuqishëm, Cech me mund të madh ndal atë.

69’ . Çfarë po bënë Chelsea, ata po luajnë vetëm në zonën e tyre, derisa zgjidhjet vetme e kan devijimin topit në rivënie nga këndi. Është hera e 12-të që Bayerni e nis lojën nga flamuri!

66′ Bayern Munchen – Chelsea 10: O, në goditje nga këndi, kjo më së miri e pasqyron dominimin e Bayernit. Por edhe këtë herë mbrojtja e Chelseas paston zonën e tyre.

64’ Ribery mbanë Bayernin përpara por këtë herë zgjodhi të goditë vet, e cila përfundoi plogësht jashtë vijës fundore.

63’ Ribery pasi rikuperoi një top nga Mata u nis drejtë portës rivale por pasimin e tij nuk e kuptoi si duhet Gomez.

60’ Bayern Munchen mbetët përpara, por nuk po ia dalin më shumë se të nxjerrin goditje nga këndi.

59′ David Luiz ka qenë vendimtar, ai ndali goditjen e Robbenit, i cili pasi u fut në zonë tentoi të gjuajë në portën e çekut.

54’ Uuuu, dëshpërim i madh tek gjermanët, pas një kundërsulmi të gjermanëve, topi u devijua deri tek Ribery i cili tundi rrjetën por gjyqtarët kishin sinjalizuar me kohë pozitën jashtë loje.

51’ Drogba mundohet me goditje nga distanca të befasoi portierin Neuer, por goditja e tij përfundoi larg portës.

49’ Bayerni si edhe në pjesëlojën e parë fillon furishëm sulmin drejt portës së Chelseas, ata ekzekutuan edhe goditjen e parë nga këndi në pjesën e dytë.

46′ Me nismën e futbollistëve të Bayernit filluan 45 minutat e dyta, në të cilën shpreosjmë të shohim edhe gola
Përfundoi pjesa e parë, përkundër rasteve të krijuara gola nuk pati.

42’ Sulmuesi gjigant i gjermanëve Gomez lëshoi rastin më të mirë kur brenda zonës gjuajti mbi portë

40′ Bayerni ekzekuton goditjen e shtat nga këndi por edhe me tej vazhdon rezultati i barabartë

38’ Chelsea merr zemër, Kalou kërcnon bayernin por “gardiani” i portës Neuer mirë e mbul hapësirën e tij.

37’ Drogba përpak t’iu shmanget mbrojtës gjermane por megjitahtë nuk qëndroi deri në fund.

36’ Tjetër rast i humbur i bavarezëve, këtë radhë Muler nga pozita ideale me gjysmë volej godet përskaj porte

34’ Rasti i parë i Chelseas për të rrezikuar portën e Bayernit. Mata ndalët pranë zonës së 16 metërshit në mënyrë të palejuar por spanjolli e mori përsipër goditjen e cila përfundoi mbi portë.

33’ Francezi Ribery rikthehet në fushën e gjelbër

31’ Alarm te skuadra e Bayernit, Ribery kërkoi ndihmën mjekësore pas ndërhyrjes së ashpër nga Bosingwa.

29′ Robben gjuan drejt në murin e gjallë të Chelseas nga goditja e dënimit prej 27 metrave larg portës.

27’ Drogba mundohet të organizoi sulmin e parë për Chelseasn por ndalet nga mbrojtësit rivalë.

23’ Bayern Munchen – Chelsea 5:0 në goditje nga këndi!

21’ Portieri Pter Cech i ka mohuar golin holandezit Robben, i cili brenda zonës goditi në portën angleze.

20’ Gjermanët ekzekutuan goditjen e tretë nga këndi derisa Chelsea ende mbetët mbrapa.

19’ Bayern Munchen vazhdon të bënë presion, pas goditjes së dytë nga këndi të bavarezë, për pak sa Bosingwa nuk e futi topin në portën e tij.

12′ Chelsea po mundohet të dal përpara por edhe më tej nuk kanë arrit të bartin lojën në pjesën që i takon baraverëzve.

8′ Rooben (B.Munchen) mirë u shkëput në zonën e tij të preferuar brenda zonës por godija e tij përfundoi lart mbi portë.

5′ Bayerni ka filluar vrullshëm lojën në sulm, Kroos ka rrezikuar londinezët por goditja e tij u devijua me kohë.

3′ KV: Schweinsteiger ndëshkohet me kartonin e verdhë pas lojës të qëllimshme me dorë.

1′ Fillon takimi i shumë pritur, me topin e pare që e nisën futbollistët e Chesleas

Ndër më meritorët për trofeun e parë  të Ligës së Kampionëve të fituar nga Chelsea ishte portieri çek Petr Cech. Ai pos që ndali penalltinë e Robbenit në lojën shtesë, priti edhe një penallti të Ivica Oliqit.

Penalltinë tjetër te Bayerni e humbi mesfushori Sebastian Schweinsteiger, i cili qëlloi shtyllën. Ndërkohë te Chelsea dështoi Juan Mata.

“Jam shumë krenar për të gjithë. Nuk ishte e lehtë, por kam besuar se mund t’i ndal ato penallti që ndala. Nuk mund të përshkruaj se si ndihem. Është hera e parë në jetën time që nuk dija çfarë të bëja”, ka thënë Cech.

Chelsea njëherësh ka arritur të përmirësojë gabimin që e bëri në finalen e Ligës së Kampionëve të vitit 2008 në Moskë, ku ishte mposhtur pas penalltive nga Manchester Unitedi.

Për Chelsean është trofeu i dytë i fituar këtë stinor, pasi më herët fitoi edhe FA Cup e Anglisë. Njëherësh Chelsea me triumfin e së shtunës i ka siguruar vetes pjesëmarrjen në Ligën e Kampionëve edhe edicionin e ardhshëm, pasi në Premier League këtë edicion doli e gjashta.

Chelsea si në dy përballjet gjysmëfinale kundër Barcelonës edhe në finalen kundër Bayernit luajti pjesën më të madhe të ndeshjes në mënyrë shumë defensive. Kjo rezultoi edhe që Bayerni të krijojë shumë raste shënimi, mirëpo bavarezët golin e gjetën tek në minutën e 83-të, kur Thomas Mueller realizoi me kokë pas një krosimi të Toni Kroosit.

Mirëpo, pesë minuta më vonë në goditjen e parë nga këndi Chelsea, Didier Drogba barazoi shifrat duke shënuar me kokë pas një krosimi të Juan Matas.

Robben gjatë lojës pos që humbi një penallti, në pjesën e parë të ndeshjes qëlloi edhe shtyllën.

Bayerni ka dështuar të bëhet skuadra e parë që fiton finalen e formatit Liga e Kampionëve në fushën e vet.

Bayerni ka mbyllur stinorin pa fituar asnjë trofe, ndërsa ka pësuar në finalen e dytë brenda tre stinorëve të “Championsit.

Skuadra e fundit që kishte fituar titullin e Evropës në fushë të veten ishte Interi në vitin 1965.

Hollivud, 18 maj 2012 – Aktoret e “Buffy”, Michelle Trachtenberg dhe Eliza Dushku janë ribashkuar për të bërë filmin “The Scribbler”.Në këtë film do të luajnë edhe aktorët Katie Cassidy, Garret Dillahunt dhe Sasha Grey.Michelle Trachtenberg (“Gossip Girl”) dhe Eliza Dushku (“Dollhouse”) do të shihen përsëri së bashku që kur ishin paraqitur në filmin e Joss Whedonit, “Buffy the Vampire Slayer”.

Ato tani do të luajnë filmin e ri me emrin “The Scribbler”.Filmi i prodhuar nga “New Artists Alliance” do të fillojë prodhimin gjatë kësaj jave në LA.Në “Scribbler” luajnë edhe aktorja Katie Cassidy (“Taken”), e cila do të luajë rolin e Sukit, një gruaje të re e cila përpiqet të bëjë shkatërrime të shumëfishta të njerëzve duke bërë një makinë eksperimentale të njohur si “The Siamese Burn”.

The Scribbler është njëri nga katër filmat që janë bashkë-prodhuar në mes të “New Artist Alliance”, një kompani e specializuar për filma me buxhet të ulët dhe  “Caliber Media”.

Dy këto kompani edhe më parë kanë prodhuar filma së bashku.

Vjenë, 18 maj 2012  – Në Vjenë sot përfundoi Konferenca dytë vjetore të Qendrës për Dialog dhe Bashkëpunim Global (The Center for GlobalS Dialogue and Cooperation-CGDC) ku mori pjesë edhe zëvendës kryetari i Qeverisë së Republikës së Maqedonisë, Musa Xhaferi.

Në vigjilje të kësaj konference, siç kumtoi Sektori për marrëdhënie me opinionin pranë Qeverisë së Maqedonisë, Xhaferi realizoi një takim përshëndetës me ish presidentin e Shteteve të Bashkuara të Amerikës, Bill Klinton, i cili ishte prezent dhe kishte fjalim para pjesëmarësve.Gjithashtu, zëvendëskryeministri Xhaferi në kuadër të Konferencës ka realizuar disa takime dypalëshe, mes tjerash edhe me ish-gjeneralin e NATO-s, Uesli Klark, ku u bisedua për situatën në rajon dhe në Maqedoni dhe integrimi i vendit në Aleancën veri-atlantike.

Zëvendëskryeministri Xhaferi e njohu ish-gjeneralin Klark me reformat që bënë Maqedonia në rrugën e saj drejt anëtarësimit në NATO, duke përmendur edhe pjesëmarrjen në misionet paqësore të aleancës.Konstatim i përbashkët ishte se nevojitet edhe tejkalimi i pengesës së fundit, zgjidhja e çështjesë së emrit dhe Maqedonia të bëhet anëtare e plotë e NATO-s.

Zëvendëskryeministri Xhaferi e ftoi Klarkun si mik i shqiptarëve që të vizitojë Maqedoninë. Vizita pritet të realizohet muajve të ardhshëm ku ish-gjenerali do të jetë mysafir i zëvendëskryeministrit ndërsa pritet që të ketë ligjeratë në një nga universitet në vendin tonë.Ndryshe, në ditën e dytë të Konferencës së dytë vjetore të Qendrës për Dialog dhe Bashkëpunim Global (The Center for GlobalS Dialogue and Cooperation-CGDC) pjesëmarësit debatuan në temë “Demokracia dhe Fuqia ekonomike”. rap.Mia

Këngë e kushtuar fëmijeve të braktisur, Shkurte Fejza ft. Gresa Behluli – A je ti ajo, këngë shumë e qelluar për raste të dhimbshme që femija nuk mund të perballojë jetën pa nënën e vet është  video klip shumë prekës ,Ju faleminderit për këtë Madhështi për këtë  vepër të përkryer të autorit dhe këngëtarëve

Modelja më e komentuar shqiptare, Anxhela Martini, i ka vënë detyrë vetes si duket të mos mungojë në asnjë ngjarje dhe tapetit të kuq. Vetëm dy ditë më parë, bukuroshja seksi ka qenë e pranishme në Festivalin e Filmit “Tribeca” në Nju-Jork.