Ditari.com » Ekonomia

10 shtetet me ekonominë më të fuqishme në botë

Endrit — Mon, 14 May 2012 21:33:47 +0000

Sipas studimit të bërë nga “therichest.org” shteti si Amerika,Kina, India dhe Japoni do vazhdojnë të jenë lokomotiva e ekonomisë botërore të paktën deri ne vitin 2020. Gjermani është nga shtetet europiane e cila momentalisht nuk e ka ndjerë krizën financiare në euro-zone. Në dhjtëshen e parë gjendet dhe Italia që megjithëse e ka ndjerë pak krizën e fundit sërish mbetet mbetet në 10 ekonomitë më të fuqishme të botës. Një rritje të ndjeshme po bën dhe Turqia ku parashikohet që pas 10 vjetësh të jëtë në 15 ekonomitë e botës më të fuqishme. raporton bota ne shqip

Shikoni se cilat janë 10 shtetet me ekonominë më të fuqishme në botë :

1.SHBA – GDP 14,66 trilion $ Popullsia 312,222,000

2.Kina – GDP 10,09 trilion $ Popullsia 1,339,724,852

3.Japoni – GDP 4,31 trilion $ Popullsia 127,960,000

4.India – GDP 4,06 trilion $ Popullsia 1,210,193,422

5.Gjermani – GDP 2,94 trilion $ Popullsia 81,799,600

6.Rusi – GDP 2,223 trilion $ Popullsia 142,905,208

7.Mbretëria e Bashkuar – GDP 2,173 trilion $ Popullsia 62,262,000

8.Brazil – GDP 2,172 trilion $ Popullsia 192,376,496

9.Francë – GDP 2,145 trilion $ Popullsia 65,821,885

10.Itali – GDP 1,1774 trilion $ Popullsia 60,681,514

Maqedonia,5 miliardë euro borxh

Endrit — Wed, 04 Apr 2012 12:10:20 +0000

Shkup, 4 prill – Borxhi i brendshëm dhe i jashtëm i Maqedonisë arrijnë rreth 5 miliardë euro. Sipas të dhënave të Bankës Popullore të Maqedonisë (BPM) shumat saktësisht arrijnë vlerën prej 4.87 miliardë euro, edhe atë 2.06 miliardë është borxh publik, kurse 2.81 miliardë euro është borxhi privat. Borxhi në total e tejkalon limitin prej 66 për qind nga Bruto Prodhimi Vendor dhe sipas ekspertëve ekonomik, Maqedonia është stërngarkuar me borxh, ndërsa nëse së shpejti nuk merren masa për shlyerje, jo vetëm që do të keqësohet gjendja ekonomike, por shteti mund të bankrotojë. “Nëse vazhdon të rritet borxhi gjatë këtij viti, shtetin do ta çojë drejt bankrotit. Qeveria duhet të merr masa urgjente që ta ristrukturon borxhin dhe ekonominë e vendit dhe me çdo kusht të tërheq më shumë investitorë të huaj. Për momentin jemi te varur nga remintencat dhe po të mos ishin paratë e emigrantëve që ua dërgojnë familjeve të tyre, me siguri se do të ishin të stërngarkuar me borxh edhe më shumë se Greqia. Remitencat e mbajnë stabile ekonominë e vendit, edhe pse kjo është një politike e të mbijetuarit, që e kanë vendet më të varfra”, thotë Mirolub Shukarov, profesor në Universitetin e Evropës Juglindore. Ai thekson se Qeveria që t’i ik borxhit të mëtejshëm, duhet urgjentisht të orientohet kah eksporti, të ndryshojë strukturën ekonomike dhe të planifikojë buxhete mesatare. “Qeveria tani premton shumë, por pyetje kryesore është se sa do të arrijnë t’i realizojnë premtimet kur jemi të futur në borxh dhe se duhet të fillohet me pagesën e borxhit”, thotë Shukarev. Ndërkaq, edhe eksperti ekonomik Besnik Fetahu shprehet se dyfishimi i borxhit publik dhe të jashtëm, mund të rezultojë me gjendje të rëndë politike dhe ekonomike. “Për tre vite Qeveria e ka dyfishuar borxhin në rreth 5 miliardë euro, që paraqet rrezik serioz për mirëqenien ekonomike dhe sociale në vend. Nuk do të ishte dhe aq rrezik nëse është tejkaluar limiti i futjes në borxh, nëse me paratë e kredive të huazuara realizoheshin projekte produktive”, thotë profesori Fetai. Kjo varësi për t’u futur në borxh te institucionet e huaja financiare, sipas tij, tregon se mund ekonomikisht të shkatërrohet ardhmëria e qytetarëve të Maqedonisë, pasi barra për kthimin e kredive bie mbi qytetarët. Si alternativë për të zvogëluar borxhin e jashtëm, profesori Fetai thotë se është krijimi i besimit te investitorët e huaj. “Pavarësisht kjo apo cila do qeveri tjetër e ka për obligim kthimin e borxhit ndaj kreditorëve të jashtëm apo të brendshëm, alternativë më e mirë për ndërprerjen e praktikës së qeverive për të huazuar para nga jashtë, do të ishte krijimi i besueshmërisë ndaj investitorëve të jashtëm, duke i anuluar të gjitha barrierat administrative si dhe krijimin e bazës institucionale për tërheqjen e sa më shumë parave nga fondet e BE-së”, thotë Fetai. Praktika e deritanishme e Qeverisë që të merr kredi nga jashtë për të mbuluar “vrimat e buxhetit”, sipas Fetahit, duhet urgjentisht të ndërpritet sepse rrezikon ardhmërinë e qytetarëve të Maqedonisë, për shkak se nëse këto para në të ardhmen harxhohen për ndërtimit e projekteve jokapitale që nuk sjellin përfitim, atëherë shtetit si alternativë për të kthyer kreditë i mbetet rritja e tatimeve dhe gjobave.
Ndryshe, në borxhin publik përfshihen huat e shtetit ndaj kompanive vendorë dhe kreditorëve, ndërsa në borxhin privat përfshihen huat e shtetit të marra nga institucionet ndërkombëtare monetare, që në total përbëjnë borxhin e përgjithshëm të Maqedonisë që arrijnë shifrën rreth 5 milionë euro. raporton Zejnulla Z.nga koha

Pacolli synon të ndërtojë një central 500-megavatesh në Nigeri

Endrit — Wed, 28 Mar 2012 21:34:30 +0000

Prishtinë, 28 mars – Ueb-faqja zyrtare e Qeverisë së shtetit IMO të Nigerisë ka cituar guvernatorin Okorocha të ketë arritur marrëveshje me Qeverinë e Kosovës për ndërtimin e një impianti energjetik në shtetin e tij. Nga pala kosovare përmendet zëvendëskryeministri Pacolli si garantues i investimit për centralin që do të prodhojë 500 megavate energji elektrike. Në Qeveri kanë thënë të mos dinë për veprimtarinë e kësaj natyre të zëvendëskryeministrit, e në Kabinetin e Pacollit kanë thënë se kjo është në të mirë të vendit.

Pacolli vjet për disa ditë ka shijuar majën e pushtetit. PDK-ja i dha postin e presidentit, si kundërvlerë për t’iu bërë partner koalicioni. Rreth një vit më parë është bërë zëvendëskryeministër i ngarkuar për të lobuar për njohje dhe për të sjellë investitorë të huaj në Kosovë, disa kohë pasi Gjykata Kushtetuese konstatoi se zgjedhja e tij president ishte e jashtëligjshme.

Prej prillit, kohë të gjatë ka kaluar në Afrikë, me arsyetimin se po lobon për t’i sjellë sa më shumë njohje Kosovës. Nigerinë e ka prezantuar si vend që ka marrë vendimin për ta pranuar shtetësinë e Kosovës, por kurrë nuk ka prezantuar notën verbale të autoriteteve të këtij shteti. Asnjë autoritet i Nigerisë nuk ka deklaruar se i është konfirmuar njohja Kosovës. njofton kohaditore

Gruevski paralajmëroi investime të huaja dhe 4.000 vende pune

Endrit — Mon, 26 Mar 2012 07:28:04 +0000

Dy kompani amerikane dhe një gjermane kanë marrë vendim intern për ndërtimin e fabrikave për pjesë ose kabllo për industrinë e automobilave, të cilat duhet të stacionohen në Tetovë, Strugë dhe Shkup, deklaroi kryeministri Nikolla Gruevski sot pas përurimit të pjesës së rikonstruuar të rrugës Rashtak – Creshevë, e cila është pjesë e aksit rrugor Rashtak – Hasanbeg.

”Fabrikat në Tetovë, Strugë dhe Shkup, të gjitha së bashku do të punësojnë rreth 4.000 njerëz. Në fabrikën në Tetovë është paralajmëruar 2.000, në Strugë rreth 1.500 dhe deri në 500 persona në fabrikën në afërsi të Shkupit”, tha Gruevski. Maqedonia, siç theksoi kryeministri, gjithnjë e më tepër bëhet atraktive për investitorët e huaj për shkak se kushtet për bërjen e biznesit bëhen gjithnjë e më të mira, por edhe për shkak se shteti ka qasje agresive në tregun e huaj lidhur me promovimin e asaj që e ofrojmë.

Gruevski përkujtoi se veçmë është publikuar shpallje për ndërtimin e fabrikës për përpunimin e kabllove për industrinë e automobilave, e cila do të ketë 4.000 punësime në periudhë prej disa viteve në afërsi të rajonit të Kavadarit.

”Krahas paralajmërimit të kompanisë belge, e cila do të ndërtojë fabrikë për autobusë në Zonën e lirë ekonomike në Shkup, si dhe paralajmërimin për 2.200 vende të reja të punës në qendrën e re tregtare në Shkup, që do të ndërtohet në lagjen Karposh, kemi paralajmërim për shumë kompani tjera, si grupacioni japonezo-italian, një nga prodhuesit më të mëdhenj të pjesëve të automobilave në botë nga Japonia, i cili së bashku me kompaninë italiane planifikojnë fabrikë për pjesë të automobilave në Maqedoni”, tha Gruevski.

Ai shtoi se veçmë ekziston edhe vendim intern për ndërtimin e fabrikës për pjesë të automobilave në afërsi të Shkupit nga ana e një kompanie britanike, e cila do të investojë rreth 60 milionë euro, si dhe paralajmërim për ndërtimin e fabrikës për industri kimike në Strugë, për çka së shpejti duhet të merret vendim intern.

Sipas tij, ne mundemi të kemi edhe tatime më të ulta në botë dhe kushte më të volitshme, por nëse kjo nuk promovohet mirë, nuk do të arrijë deri te investitorët. “Ne këtë e bëjmë përmes mediave ndërkombëtaere, përmes fushatës së vazhdueshme për mundësitë për investim në Maqedoni, përmes promotorëve tanë në rreth 30-të vende”, tha mes tjerash Gruveski.

Kryeministri i Maqedonisë shtoi se Qeveria do të vazhdojë me të gjitha aktivitetet për promovim, por edhe në drejtim të ndërtimit të mëtejshëm për biznes-klimë të volitshme, si për investitorët nga vendi, ashtu edhe për ata të huaj.

Qeveria do të shqyrtoj uljen e akcizave për derivatet e naftës

Endrit — Tue, 13 Mar 2012 22:19:32 +0000

Qeveria e Maqedonisë sot do të shqyrtojë masat për uljen e çmimit të derivateve të naftës, paralajmëroi ministri i Ekonomisë Valon Saraçini gjatë vizitës së sotme në Regjistrin qendror.

“Në seancën e sotme qeveritare do t’i shqyrtojmë propozimet për uljen eventuale të TVSH-së për transportin prej 18 në 5 për qind, siç kërkojnë transportuesit apo, për uljen e akcizave për derivatet” deklaroi ministri Saraçini, duke u përgjigjur pyetjeve të gazetarëve.”Qeveria disa herë deri tani kërkoi takim me menaxhmentin e OKTA-s. Deri në fund të marsit duhet të takohemi dhe të punojmë në metodologjinë për konfirmimin e çmimeve të derivateve të naftës. Tashmë janë krijuar grupe punuese me përfaqësuesit e Qeverisë dhe anëtarët e nominuar nga ana e OKTA-s” theksoi Saraçini.Megjithatë, ndryshimet nuk do të luajnë rol aq të madh duke pasur pra sysh çmimet e naftës në tregjet botërore.raporton agencioni Ina

Berisha rikthen kërcënimet ndaj Top-Media me parlamentin e ri !

Endrit — Tue, 13 Mar 2012 09:03:35 +0000

Kryeministri Berisha dhe kryeparlamentarja Topalli kane ngritur sot perseri tymnajen e parlamentit te ri dhe me nentekstin e nje kercenimi te hapur ndaj Top-Channel dhe studiove te tij ne kete situate krize per qeverine. Mbeshtetja ndaj dyshes Topi-Spahiu nepermjet lajmeve dhe kritikat e hapura ndaj qeverise, ka bere qe Berisha te kercenoje me komitetin qe do vendose per konkursin e kompleksit te ri. Me pare u tha se Piramida do mbetej pasi nuk kishte fonde. Le te presim dhe te shohim se cdo ndodhe me tej me Top-Channel dhe qeverine. Sipas njoftimit, mblidhet nesër Komiteti Shtetëror për ndërtimin e kompleksit të ri parlamentar.
Mbledhja do të zhvillohet nesër në orën 10:00 në Kryesinë e Kuvendit ndërsa pritet që të shpallet edhe projektin fitues për ndërtimin e kompleksit të ri parlamentar Në konkursin e zhvilluar, juria ndërkombëtare e kryesuar nga personaliteti botëror, Hans Ibelings përzgjodhi tre projektet më të mira. Vendimi i jurisë u dha edhe pas konsultimeve të gjera dhe votimit të publikut.

A mundë të sjellë 2012 ndryshime Globale në rang botëror

Endrit — Fri, 20 Jan 2012 21:28:36 +0000

Sot do të bëjmë disa parashikime në lidhje me vitin 2012 dhe do të vlerësojmë zhvillimet, me të cilat mund të përballemi në Turqi, rajon, apo edhe në rang botëror.
Siç edhe dihet, pozicioni gjeografik i Turqisë, sipas zhvillimeve të ndryshme, që mund të përjetohen në botë, dhe strukturave të fuqive të aktorëve, të cilët luajnë rol në zhvillimet e lartpërmendura, mbart një rëndësi të madhe jo vetëm për vet Turqinë, por për të gjitha vendet. Turqia ndodhet në kryqëzimin e rrugëve të interesave dhe në itinerarin e politikave të jashtme të fuqive si Shtetet e Bashkuara të Amerikës, Rusia dhe Bashkimi Evropian, madje herë-herë mund të jetë objektivi, apo edhe pika e nisjes së këtyre politikave. Hapësira gjeografike e Turqisë, në pikën e bashkimit të burimeve energjetike si Lindja e Mesme, Kaukazi dhe Azia Qendrore, zonat këto që mbeten jashtë fushës së përgjegjësisë së NATO-s, përbën platformën operacionale më të afërt dhe më të përshtatshme ndaj ndryshimeve të padëshiruara, e thënë ndryshe kundër kërcënimeve, që mund t’u drejtohen interesave të vendeve perëndimore. Këtyre faktorëve u duhen shtuar zhvillimet ekonomike, burimet energjetike dhe korridoret e transportimit të energjisë. Për më tepër, edhe këta që renditëm më sipër janë disa prej elementëve jetikë, të cilët sot kanë ndikim të madh në rang botëror; prandaj nga ky këndvështrim, “ekuilibrat ekonomikë” me “ekuilibrin global” janë në proporcion të drejtë dhe duke filluar nga viti 2012 mund të sjellin ndryshime dhe transformime.
Dhe në të vërtetë aktorët ndërkombëtarë janë duke analizuar ristrukturimin e ekuilibrit global. Viti 2012 duket sikur do të bëhet skenë e një procesi, ku do të marrë trajtë një pikë drejtpeshimi e re në ekuilibrin global. Padyshim që çdo vit është vazhdimi i atyre të mëparshmëve dhe gjithçka, që përjetohet çdo vit në ekonomi dhe politikë, është totali dhe rezultati i ngjarjeve të viteve të kaluara. Megjithatë disa vite mbartin ndryshime të veçanta, sepse në ato vite ndryshojnë “ekuilibrat”. Ja pra, 2012-n duhet ta vlerësojmë në këtë kuadër. Vallë çfarë vlerësimi do të bëjnë në fund të vitit për 2012-n ata, të cilët vitin 2011 e cilësuan si “emocionues” dhe “ritmik”?!…
Sipas një studimi të bërë nga Qendra për Studime Ekonomike dhe Tregtare në Londër (CEBR – Centre for Economics and Business Research), ekonomia e Brazilit, e cila viteve të fundit ka pasur një zhvillim të vrullshëm, ka lënë pas Anglinë. Bazuar tek një analizë e Euronews-it, ekonomia e Gjermanisë, edhe pse pritet të ruajë pozicionin e liderit në Bashkimin Evropian, parashikohet që në vitin 2020 të renditet pas Rusisë dhe Indisë. Raporte të ndryshme të Fondit Monetar Ndërkombëtar sinjalizojnë se këtej e tutje ylli i Brazilit do të jetë akoma edhe më i shndritshëm. Ky shtet gjigand i Amerikës Latine tashmë klasifikohet ndër qendrat tërheqëse më të mëdha të botës. Brazili, me rreth 200 milionë banorë, aktualisht ka lënë pas ekonominë e Britanisë së Madhe. Në këtë kontekst, duket e sigurt se përveç Anglisë në “ligën e kolosëve“ pozicionin aktual do ta humbasë edhe Franca.
Mes vendeve anëtare të BRIC-ut, krahas Brazilit, Rusisë dhe Indisë, në një fuqi dhe qendër tërheqëse është shndërruar padyshim edhe Kina. Ndërsa afrimi i përjetuar kohëve të fundit mes Kinës dhe Japonisë përforcon opinionin se kjo gjë do të vazhdojë për një kohë të gjatë. Kina dhe Japonia, këto dy vende gjigande të ekonomisë botërore – respektivisht ekonomia e dytë dhe ekonomia e tretë në botë – po zhvillojnë me shpejtësi marrëdhëniet ndërmjet tyre. Guri themelor i këtij afrimi midis Tokios dhe Pekinit u formua pasi Japonia vendosi që të heqë dorë nga politika e saj për të mos i shitur artikuj ushtarakë Kinës dhe në vijim të nënshkruajë marrëveshje ushtarake me këtë vend.
Kriza financiare globale dhe vetëriprodhimi i politikës botërore tregon se përgjatë vitit 2012, në konkurrencat dhe ekuilibrat rajonalë, qendrat e fuqive rajonale dhe kundërshtarët – në rast se do të jetë e nevojshme – në suazën e interesave reciproke, do duhet t’u drejtohen partneritetit për zgjidhje. Bashkëpunimi padyshim që lehtëson edhe bashkëjetesën, ndërsa prodhimi i përbashkët të mëson të bëhesh më i duruar dhe të shfaqësh më shumë respekt ndaj të gjithëve. Ja pra, edhe eksperienca e fundit në linjën Tokio-Pekin metodologjikisht mund të vlerësohet me shumë gjasa edhe në zgjidhjen, apo shmangien e një sërë konflikteve rajonale, etnike, fetare dhe të tjerave si këto në zona të ndryshme të botës. Por sidoqoftë mund të thuhet se Lindja e Largët dhe Paqësori në vitin 2012 do të kenë ekuilibra dhe vlera të reja. Nëse Japonia i avancon marrëdhëniet e saj edhe me vendet e tjera të grupit BRIC, atëherë ndoshta i hapet rruga formacionit BRIC-J. Aktualisht është mjaft herët dhe mungojnë konjukturat e nevojshme për të bërë një parashikim të kënaqshëm për këtë temë; mirëpo meqenëse Shtetet e Bashkuara të Amerikës dhe Bashkimi Evropian do të pedalojnë më ngadalë edhe për disa vite të tjera në vijim, “në pikën e re të balancimit” të peshores globale mund të mos ndryshojnë vetëm kuadratura e zhvillimeve politike me kushtet e bashkëpunimit, por njëkohësisht edhe “atmosfera” e proceseve dhe problemeve politike globale e rajonale.
Me shumë dobi do të ishte sikur këtë çështje ta shikonim vertikalisht edhe nga aspekti i fuqive evropiane. Kriza e borxheve do të jetë përsëri brenda agjendës me përparësi të Bashkimit Evropian edhe në 2012-n. Ekziston ende mundësia që Greqia, e cila është aktorja kryesore e kësaj krize dhe formon një pjesë të Eurozonës, Spanja dhe Italia të shpallin falimentimin. Ndërsa situata kritike e Portugalisë duket sheshit. Gjithashtu pritet një acarim edhe në përplasjen ndërmjet boshtit Berlin-Paris dhe Londrës. Për më tepër, struktura e BE-së duhet të reformohet urgjentisht. E ardhmja e euros, ekzistenca e të cilës po mbrohet duke marrë parasysh çdo kosto, duket tepër problematike. Krahas këtyre, nuk duhen neglizhuar as “kryengritjet e mundshme qytetare”, për të cilat janë shfaqur shqetësime se mund të shkaktohen nga zemërimi, që buron prej rënies së standardeve të jetesës në Union. Ndërsa valët e “emigracionit të jashtëligjshëm” bëjnë që Bashkimit Evropian t’i shkojë thika në kockë.
Përpara nesh zgjatet viti 2012, i cili me sa kuptohet nuk do të kalojë më lehtë se paraardhësi 2011. Shpresojmë që në vend të këtyre parashikimeve pesimiste dhe skenarëve katastrofikë, 2012-a të jetë një vit më paqësor, me standarde jetese më të larta dhe që u garanton njerëzve më shumë siguri në rang rajonal dhe global.

Prodhimi dhe Ekonomia industriale turke nuk ka të ndalur

Endrit — Wed, 11 Jan 2012 08:50:27 +0000

New York, 11 janar – Gazeta e grupit “Dow Jones & Company” me seli në Nju-Jork, publikoi një analizë rreth krizës ekonomike në Evropë.

“The Wall Street Journal”, një nga gazetat më të rëndësishme në Shtetet e Bashkuara të Amerikës, publikoi një analizë rreth krizës ekonomike në Evropë.
E përditshmja amerikane vuri në dukje rritjen e shpejtë në ekonominë dhe prodhimin industrial të Turqisë. Sipas editorialit, që zë vend në website e ditores prestigjioze “The Wall Street Journal”, vrulli i rritjes në ekonominë dhe prodhimin industrial të Turqisë nuk ka të ndalur. Në këtë analizë tërhiqet vëmendja mbi rritjen e prodhimit industrial në muajin nëntor 2011 dhe nënvizohet se këto shifra tregojnë rezistencën e ekonomisë turke ndaj efekteve të krizave të jashtme.

Gazeta e grupit “Dow Jones & Company” me seli në Nju-Jork, bëri parashikime për rritje të fuqishme edhe në prodhimin e brendshëm bruto të Turqisë. Në fund të analizës “The Wall Street Journal” vuri gishtin mbi rënien e kërkesës së sektorit industrial në tregun evropian të eksportit, duke paralajmëruar se efektet e zhvillimeve ekonomike globale mund t’i vuajë edhe Turqia.

Berlin, sot takimi Merkel-Sarkozi për transaksionet financiare

Endrit — Mon, 09 Jan 2012 10:15:28 +0000

Një takim parapërgatitor që i paraprin samitit të BE-së në fund të vitit do të zhvillojne sot kancelarja gjermane Angela Merkel dhe presidenti francez Nikolas Sarkozi. Kryefjalë e axhendës do të jetë, taksa mbi transaksionet financiare, e quajtur ndryshe tobin taks, që kërkohet në veçanti nga Parisi.

Gjate javës së kaluar keshilltari I Sarkozisë, tha se taksa do të aplikohet këtë vit dhe se presidenti francez do të vazhdojë me këtë ide edhe nëse vendet e tjera të BE-së nuk bien dakord. Vendimi përfundimtar mbi këtë taksë do të merret në fund të muajit në samitin e parashikuar.transmeton Klan-al

Taksa mbi transaksionet financiare ka sjelle reagime edhe në Francë. Një organizatë që përfaqeson kompanitë e shërbimeve të transanksioneve franceze denoncoi kërcënimet e presidnetit francez, se do të vazhdojë i vetëm në aplikimin e kësaj takse, duke paralajmëruar se një veprim i tillë mund të orientojë investitorët në tregje të tjera. Taksa kundërshtohet nga Britania e Madhe dhe Suedia. Një dite më parë kryeminsitri britanik Dejvid Kameron tha se taksa nuk mund të jetë e aplikueshme në të gjitha vendet e BE-së. Ai shtoi se Britania e Madhe do ta bllokoje taksën mbi transaksionet financiare.

Me masa efikase deri në kursim prej 40 % të energjisë elektrike

Endrit — Wed, 04 Jan 2012 21:24:07 +0000

“Me ngrohje më efikase, izolim më efikas dhe ndriçim më efikas mund të kursejmë rreth 20 deri 40 % të energjisë”

Qytetarët ti ndryshojnë zakonet e tyre të deritanishme, të konsumojnë në mënyrë racionale energjinë elektrike dhe të kursejnë më shumë – porositi sot ministri i ekonomisë Valon Saraqini, duke përmendur se prodhimi i energjisë elektrike është gjithnjë e më i shtrenjtë, ndërsa çmimi i energjisë elektrike do të rritet. Zvogëlim të çmimit të energjisë elektirke sigurisht se nuk do të ketë. Përkundrazi, do të ketë ngritje të çmimit të energjisë elektirke dhe prandaj është koha që të orientohemi drejt efikasitetit më të madh energjetik, theksoi ministri Saraqini në konferencën për shtyp..Zëvendësimi i ndriçueseve të vjetra me ndriçuese të reja energjetikisht më efikase, izolimi i dritareve, tavaneve nëpër shtëpitë, blerja e aparateve për amvisëri me efikasitet më të madh energjeitk janë vetëm një pjesë e masave për kursim më të madh të enegjisë elektirke të cilat i propozon Ministria e Ekonomisë, ndërsa janë të përfshiera në broshurën e re “Kurse, kyçe trurin, çkyçe rrymën”.

- Me ngrohje më efikase, izolim më efikas dhe ndriçim më efikas mund të kursejmë rreth 20 deri 40 % të energjisë, ndërsa shteti mund të kursej reth 700 gigavat orë, bëri të ditur ministri Saraqin.
Ministria e Ekonomisë për këtë vit ka ndarë gjashtë milionë denarë për subvencione për kolektorë solar. Ky aktivitet do të filloj të realizohet nga muaji shkurt dhe për dallim nga viti i kaluar do të jetë më transparent.

- Efikasiteti energjetik për Maqedoninë jo vetëm që është detyrë, por domosdoshmëri. Një euro e investuar në efikasitet energjetik ktheht si tri euro, tha Dimitrov duke shtuar se qytetarët janë të vetëdijshëm për efikasitetin emnergjetik, por nuk kanë njohuri të madhe lidhur me të.