Kumanovë, 20 maj 2012 (MIA) – Në Teatrin Shqiptar të Kumanovës sonte shfaqet para publikut kumanovaras, premiera e shfaqjes “Mirandolina”, e autorit Carlo Gol Doni, me regji të Kushtrim Bekteshit.

Në këtë shfaqje do të jenë kryesisht aktorët kumanovarë: Vjollca Bekteshi – Hamiti në rolin e Mirandolinës, Musa Isufi, Sefedin Shabani, Shkëlqim Islami, Qazmendi Nuredini, Enver Halimi,Mirsad Abazi, Aida Alidemi, Aida Elezi, etj.

Aktori kumanovar, Musa Isufi deklaroi se kjo shfaqje është një ngjarje historike për shqiptarët dhe Kumanovën, ku për herë të parë hapet sipari i një shfaqje teatrore profesionale.

Hapja solemne me këtë shfaqje të Dramës shqipe në Kumanovë ka marrë mbështetjen e shumë qytetarëve dhe është paralajmëruar prania masive e kumanovarëve.raporton Mia

Nuk u ka nisur mbarë presidenca e çiftit presidencial,pasi pas goditjes së rruffesë mbi …

aeroplanin që po çonte Holland  në Gjermani,një tjetër aksident vjen në dritë,por që ka lidhje me gruan me të cilën ai bashkëjeton dhe saktësisht me këmbët  e saj.

Valerie Trierweiler, gruaja që bashkëjeton me presidentin francez, Francoi Hollande, ka treguar se mund ta konkurrojë ish-zonjën e parë franceze, Carla Bruni.

Gjatë betimit të Holland si president ditën e djeshme, ajo është zbuluar pak më shumë se ç’duhet, duke nxjerrë në sheshkëmbët  esaj deri afër mbathjeve.
Mediat kanë një motiv më shumë për të shkruar për të, duke qenë se nuk ka vënë kurorë me Holland dhe nuk mund të thirret si Zonja Parë.

Një 12 vjeçar i diagnostifikuar me sëmundjen e njëjtë nga e cila ka vuajtur Lionel Messi në fëmijëri, do të ndihmonet në mënyrë financiare nga futbollisti më i mirë në planet. Waleed Kashash, i cili ishte diagnostifikuar me mungesën e hormonit të rritjes (GHD), ka ëndërruar që një ditë të bëhet futbollist pasi të mposhtë sëmundjen, por kostoja e lartë e shërimit të sëmundjes kërcënoi realizimin e ëndrrës së tij.

Sidoqoftë, një femër e quajtur Soad al-Affani kishte vendosur të njoftojë Messin për sëmundjen e të riut, duke ia paguar 208 euro çdo të 15-tën ditë, derisa ai të bëhet 18 vjeç.Messi më pas bëri një foto të tij duke mbajtur një fanellë të djaloshit Waleed, me mesazhin për të qëndruar sa më i fortë dhe të ketë sa më shumë dashuri.

Kjo është historia e dhembshme e një nënë që tregon për djalin e saj të sëmurë. Shtatë muaj më parë ajo solli në jetë një djalë, i cili nuk ishte si gjithë të tjerët, sepse për shkak të një sëmundje të rrallë ai mbeti i deformuar pa sy dhe me një buzëqeshje të përhershme në buzë. Kjo është një video e postuar nga nëna në YouTube, e cila tregon me anë të disa letrave gjithcka mbi të dhe djalin e saj të sëmurë.

Ritual i frikshëm mbahet në Bagalkot në rrethin e Karnataka në jug të Indisë.Priftërinjtë hedhin nga ballkoni i kishës foshnjat dy muajsh dhe deri në tre vjeç.Shumë besimtarë u mblodhën tek sheshi kryesor për të parë këtë ceremoni.

Priftërinjtë ngjiten në ballkonin e kishës dhe hedhin vetëm foshnjat e seksit mashkull, poshtë ballkonit ndodhen katër burra ku mbajnë të hapur një çarçaf dhe presin foshnjat e vogla dhe më pas ua japin prindërve të tyre. Në këtë mënyrë ata besojnë se foshnjat kur të rriten do bëhen të fortë dhe do përballen shumë lehtë me pengesat që ka jeta.

Shikoni videon… 

Anila Çuli
“Kljuç znaniy” (Çelësi i Diturisë), është një nga titujt më të lartë që jo kushdo arrin ta fitojë në “Voronezh State University”, në një nga Universitet më prestigjioze të Rusisë. Vetëm pak kohë më parë ky titull i është dhuruar shqiptares simpatike, Rediana Çuraj e cila pasi ka mbaruar studimet me rezultate maksimale, në këtë universitet ka mundur të marrë një titull të tillë. “Ishte një titull i cili jepej në ceremoninë e diplomimit për studentët e huaj të cilët vinin nga vende të ndryshme si, Amerikës, Afrikës, Evropës, Kinës etj. U ndjeva shumë e vlerësuar dhe mbi të gjitha krenare që një çmim i tillë i dorëzohej një studenteje shqiptare”, pohon Rediana e cila duket sikur e ka parasysh atë moment.

Këtë “çelës” ajo ia dhuroi më pas një tjetër studenti të vitit të parë nga Afrika, si simbol i përcjelljes së diturisë nga një brez më i vjetër tek një brez më i ri.

Ish- studentja e rritur në Tepelenë dhe diplomuar me rezultate të shkëlqyera pohon, se zgjedhje e Rusisë si vend për të vazhduar studimet ka qenë një rastësi. “Në lidhje me konkursin për studime në Rusi e mora vesh nga një miku im, i cili kishte lexuar një njoftim të shpallur nga Ministria e Arsimit në gazetë. Unë, ende pa mbaruar gjimnazin aplikova dhe fitova”. Gjatë asaj periudhe kemi qenë shumë pak studentë që përfaqësonim Shqipërinë në këtë Universitet”, tregon Rediana e cila ka vijuar të mbajë të njëjtin ritëm studimi edhe gjatë viteve në universitet ku studioi për “Marrëdhënie me Publikun dhe Reklamë”.

Rediana tregon se nuk e pati aspak të vështirë për të mësuar gjuhën ruse, pasi njohja e gjuhëve të huaja dhe kulturave të vendeve të ndryshme janë pasioni i saj. Prandaj asaj iu deshën vetëm tre muaj për të mësuar rusishten. Gjithashtu Rediana njeh mirë edhe gjuhë të tjera si: persishten, anglishten, italishten, frëngjishten etj.

Teksa rrëfen ajo tregon se studimet universitare kanë qenë për të një eksperiencë ndryshe, e bukur dhe e paharrueshme në një shtet madhështor siç është Rusia. “Gjatë kohës që studioja unë njëkohësisht merresha dhe me projekte të ndryshme ku punoja. Kjo më ndihmoi shumë që përveç studimeve në Universitet, ta njihja tregun e punës nga afër. Eksperienca ime e parë e punës ka qenë: menaxhere shitjesh në një kompani ruse, e më pas u përfshiva në projekte dhe eksperienca të tjera në kompani të niveleve ndërkombëtare. Dua të theksoj se në projektet që unë kam qenë e përfshirë konkurrenca ka qenë tepër e fortë dhe nga ana tjetër ka qenë një konkurrencë tepër e pastër, ku askush nuk donte t’ia dinte se kush ishe dhe nga vije. Nëse ishe i zoti askush s’të pengonte. Diçka tjetër tepër të vyer që unë kam marrë nga Rusia, kanë qenë shkëmbimet kulturore dhe njohjet që unë kam krijuar me qytetarë të vendeve të ndryshme të botës, pasi atje organizoheshin herë pas here shumë aktivitete kulturore, artistike, muzikore etj ku përfshiheshin studentë nga më shumë se 120 vende të ndryshme”.

Dhe sigurisht të studiuarit në mënyrë sistematike dhe autodidakte, e kanë bërë që kur u kthye në vendin e saj të ishte me këmbë në tokë, optimiste dhe pse jo të pozicionohej në një vend të mirë si në jetën profesionale ashtu dhe atë shoqërore. “Të studiuarit jashtë më ka bërë të ndihem me këmbë në tokë, më optimiste dhe largpamëse dhe më ka edukuar me një mënyrë të punuari dhe të komunikuari ndryshe, gjë që e kam vënë re edhe tek shumë studentë të tjerë që janë diplomuar jashtë Shqipërisë. Por ka edhe raste kur studentët shqiptarë kthehen këtu dhe i mbulon ndonjëherë njëlloj pesimizmi e zymtësie kur përballen me një realitet tjetër nga ai që ishin mësuar jashtë”.

Në lidhje me nostalgjinë e saj për Rusinë, Rediana thotë: “Është paksa larg dhe nuk shkoj shpesh, kjo edhe për shkak të angazhimeve të mia në punë, por gjithsesi do të më pëlqente dhe është bukur të shkosh gjatë kohës së pranverës, kur dhe janë “Netët e Bardha”. Është një mrekulli dhe kalohet shumë bukur, pasi nata dhe dita janë të shkrira bashkë. Pra ka vetëm ditë, gjelbërim dhe shatërvanë, pasi në dimër fatkeqësisht shatërvanët qëndrojnë më shumë të mbyllur dhe uji është i ngrirë. Një periudhë e bukur për të shkuar padyshim është dhe shkurti, komplet dëborë, bardhësi e ajër i pastër”, përfundon Rediana.

Jeta

Mosha 28 vjeç

Vendlindja Tepelenë

Vendbanimi Tiranë

Arsimi i lartë

Ka studiuar për “Marrëdhënie me Publikun dhe Reklamë” në “Voronezh State University” të Rusisë, e më pas studimet master po në këtë Universitet. Aktualisht punon si Menaxhere Biznesi në një Kompani private prestigjioze.

Është i njohur në mbarë botën për lëvizjet e guximshme dhe klasi në fushën e blertë. Por tani, futbollisti Cristiano Ronaldo ka shokuar të gjithë me manovrat e tij në timonin e makinës sportive Lamborghini Aventador. Portugezi u fotografua, ndërsa mbante në prehër djalin 22- muajsh Kristiano Jr, në një shëtitje të rrezikshme rrugëve të Madridit. Një burim i të përditshmes “The People” theksoi: “Roni e do djalin e tij, njëherësh dhe makinën, ndaj u duk i lumtur dhe po kaq i kujdesshëm”. Prej dy vitesh, pinjolli Ronaldo, identiteti i nënës të së cilit nuk dihet ende, është nën kujdestarinë e plotë të futbollistit madrilen. Ndërkohë, Ronaldo u pa në publik pas një kohe të gjatë në mungesë përkrah të dashurës Irina Shaik në një darkë romantike. 27- vjeçari u duk mjaft krenar dhe i lumtur që rikthehej në shoqërinë e modeles së famshme të “Sports Illustrated”.