Dy persona janë plagosur mbrëmë në Shkup me armë zjarri, duke i shpëtuar një tentimi për vrasje.  Siç bëhet e ditur nga mediat maqedonase të plagosurit janë Daniel A, 24 vjeç dhe Bojan J. nga Shkupi, të cilët janë sulmuar me armë zjarri nga Miroslav M. i njohur me dosje kriminale.  Sipas policisë, dy të plagosurit me plagët e rënda kanë mbërritur në stacionin policor Gjorçe Petrov, ku edhe kanë informuar për ngjarjen.

Ata menjëherë janë dërguar në Qendrën Klinike të Shkupit ku janë konstatuar plagë nga arma e zjarrit në krahëror dhe këmbë. Organet e rendit mbrëmë nuk kanë kumtuar motivet e këtij tentimi për vrasje. raporton Ina

Malltretohen dhe rrihen ne burgun e Manastirit te arrestuarit ne aksionin “MONSTRUM”

3 nga 6 të arrestuarit në aksionin policor ‘Monstrum’ të cilët gjenden në paraburgim janë torturuar dhe rrahur në burgun e Manastirit, mëson sot Alsat M. Lajmi është denoncuar nga familjarët e të paraburgosurve të cilët i kanë vizituar në burg dhe kanë vërejtur se të afërmit e tyre kanë në trup dhe fytyrë, shenja të dukshme që tregojnë se janë keqtrajtuar dhe rrahur.

Familjarët e kanë paraqitur rastin edhe tek Avokati i Popullit për të kërkuar hetime dhe masa përkatëse për të parandaluar përsëritjen e keqtrajtimit dhe torturimit të të afërmve të tyre që gjenden në paraburgim, si dhe me qëllim, ndëshkimin e autorëve të këtij akti

Prokurori i përgjithshëm i Maqedonisë, Lubço Shvrgovski ka theksuar sot se posedojnë me dëshmi të sigurta se grupi i ndaluar në operacionin “Monstër” janë kryerës dhe kanë ndihmuar në vrasjen e pesëfishtë në Smilkovc të Shkupit.

“Procedurën hetimore ne e bazojmë në dëshmi të sigurta që japin shkallën e lartë të dyshimit se janë pikërisht ata persona që i ndërlidhim me ngjarjen që ndodhi në Liqenin e Smilkovcit. Kemi pasur edhe masa të posaçme hetimore në pjesën e përgjimit dhe ato janë legjitime dhe janë dhënë pas urdhrit të lëshuar nga gjykatësi hetues. Këto shënime audio po ndihmojnë në udhëheqjen e hetimeve dhe ndërtimit të tezës sonë se personat që po akuzojmë në të bazë të dëshmive që kemi janë ata që kanë kryer dhe kanë ndihmuar në veprën penale”, deklaroi kryeprokurori Shvrgovski.

Ai ka kritikuar protestat e fundit, duke theksuar se institucionet hetimore duhet të lejohen që të kryejnë hetimet lidhur me aksionin “Monstër”. raporton Ina

Një nënë malajziane është arrestuar nga policia vendase, pasi rrihte dhe masakronte në mënyrë barbare foshnjen e saj 8 muajshe. Ngjarja ka ndodhur në Petaling Jaya dhe u publikua si rast, kur një mikesh e gruas filmoi me aparatin e saj celularë torturat që i bëheshin fëmijës dhe më pas e postoi në Youtube.

Pas postimit të videos ka patur reagime të ashpëra nga opinioni publik si dhe mijëra komente negative për nënën e bebes.
Videoja është katër minuta e gjatë dhe në të shihet qartë se si foshnja rrihet egërsisht nga nëna dhe askush nuk e mbron, as dhe gruaja që xhiron dhe ha patatina qetësisht. Dhuna në këto pamje është e tmerrshme, bebes i përplaset koka mbi krevat, i vihen duart në fyt disa herë dhe për disa sekonda bebja nuk ndjehet, derisa nëna ia lëshon fytin sërish dhe e qara e foshnjes vazhdon, ndërsa e vogla i afrohej në gjunjët e nënës të gjente mbrojtje por fatkeqësisht rrihej sërish.

Sipas shefit të policisë, Arjunaidi Mohamed, nëna 18 vjeçare, emri të cilës nuk bëhet publike, është arrestuar dhe po vuan dënimin në burg. Ndërsa bebja i është dhënë në kujdestari të përkohshme një familjeje dhe mësohet se është shumë mirë me shëndet, përveç shënjave që ende i kanë ngelur në trup e kokë.

Bota e futbollit është shokuar edhe me një rast të radhës me vdekjen e një futbollisti në fushën e lojës. Ngjarja tragjike ndodhi në Spanjë në një skuadër pak të njohur spanjolle e quajtur San Lorenze Cadete.Futbollisti 15 vjeçar Mario Garcia, është rrëzuar në fushë nga një atak kardiak dhe pavarësisht ndihmës së shpejtë mjekësore nuk arriti të mbijetonte.Ky është rasti i radhës në muajtë e fundit që futbolistët vdesin në fushën e lojës e që në shumicën e rasteve sulmi në zemër është arsyeja e vdekjes. raporton Kohasporti

Vrasja e pesëfishtë që ndodhi pak kohë më parë në vendin fqinjë, Maqedoni, ngjalli reagime dhe tensione të ashpra, deri në protesta me slogane etnike.
Në emër të kësaj vrasje, policia maqedonase avancoi në arrestimin e 20 shqiptarëve, ndër tyre dhe gra. Pas një hetimi paraprak një pjesë e tyre u lanë të lirë pasi nuk rezultoi në dëm të tyre asnjë vepër penale. Por gjatë kontrolleve që ushtruan në banesat e të arrestuarve, u sekuestrua dhe një sasi e madhe armatimi, gjë kjo që ngjalli dyshime dhe forcoi idenë e pa pabazuar se armët e sekuestruara janë përdorur në vrasjen e pesëfishtë.
Këtë gjë e vërteton më mirë dhe rezultati i ekspertizës të bërë publik nga ministrja e brendshme Jankullovska, e cila pas një sërë deklaratash provokuese, që ngjalli reagime të forta u shpreh shumë e përmbajtur, edhe pse ajo theksoi se provat MPB-s mjaftojnë për fajësimin e të akuzuarve.
Për më tepër në deklaratën e saj ajo pohoj: “Kuptohet që gjykata është ajo që duhet ti vlerësojë dëshmitë, dhe jo opinioni apo individët, të lemë hapësirë pa kurrfarë shtypje, Gjykata ti shqyrtojë dëshmitë që ka pranuar dhe në bazë të tyre të veprojë. Ne i akuzojmë për vepër penale terrorizëm, kemi më shumë dëshmi, dëshmi të ndryshme, por sërish nuk do të isha përzier në vlerësimin dhe kualifikimin të cilën në fund duhet ta sjell, vetëm Gjykata përgjegjëse”./albobserver/

 Trupi i pajetë i masakruar i një femre shqiptare është gjetur përgjatë rrugës Cese di Avezzano në L’Aquila, Itali.
Mësohet se kufoma është identifikuar si Mariana Marku 30 vjec, nënë e një fëmije 11-vjecar. Ka qenë vëllai i Marianës që kishte denoncuar zhdukjen e motrës së tij tek karabinierët e zonës dhe po ai që identifikoi trupin e pajetë. Nga kqyrja u vu re se një këmbë dhe një dorë e Marianës ishin të coptuara ndërsa shenja dhune kishte në mbarë trupin e saj.

Mësohet se 30-vjecarja punonte në një klub privat në Civitela Roveto. Policia italiane ka marrë në pyetje vëllain, pronarin e klubit si dhe disa kolege të 30-vjecares. Por, hetimet janë përqëndruar kryesisht tek meshkujt që frekuentonin klubin e natës. Policia dyshon më tepër për një krim pasionant, por nuk përjashtohet të ketë lidhje dhe me punën e saj në klub.

Mariana Marku me djalin e saj të vogël jetonte me vëllain e saj dhe gruan e këtij të fundit. Vëllai denoncoi zhdukjen e motrës pasi prej 2 ditësh 30-vjecarja nuk po kthehej në banesë ku e priste fëmija i mitur.

Shokuese janë fotografitë e trupave pa jetë të  njerëzve që u gjetën të varur në një urë. Disa prej tyre ishin pa kokë, të tjerë pa gjymtyrë, ndërsa një pjesë të copëtuar dhe të futur në qese plasmasi. Kjo pamje tragjike u shfaq në veriperëndim të Meksikës, ku mesa duket bandat mafioze kanë nisur një luftë barbare mes tyre.

Policia nuk ishte në gjendje të thoshte me siguri se kush është përgjegjës për këto vrasje të tmerrshme. Por një mesazh që ndodhej bashkë me trupat e shpërfytyruar të linte të kuptohej se bëhej fjalë për një sulm të kartel Zetas kundër kundërshtarit të tij, kartel Kolpu.

Trupat e pesë meshkujve dhe katër femrave u gjendën të varur nga një urë, ndërsa pjesë nga 14 trupa të tjerë të copëtuar u gjendën në plasmasë plehrash. Hetimet vazhdojnë. albobserver

Asnjë lajm për zhdukjen e të  arrestuari Haki Haziri, familja apel ministrave Bexheti dhe Bajrami

Familja Haziri nga Shutka e Shkupit i bën thirrje ministrit të Drejtësisë Blerim Bexheti dhe zëvendësministrit të MPB-së, Xhelal Bajrami që urgjentisht të gjejnë dhe të japin hollësi për djalin e tyre Haki Haziri, i cili u arrestua mëngjesin e 1 majin në shtëpinë e tyre dhe deri tani nuk ka asnjë gjurmë për fatin e tij.

“Ne presim lajmin e dhimbshëm për djalin tonë dhe ditë e natë jemi të tmerruar se nuk gjendet askund. Ai u nor atë ditë në mëngjes. Na bastisën deri në ora 12 të ditës dhe ja deri sot ditë e premte nuk kemi asnjë lajm. Kemi kërkuar vazhdimisht përmes juve si media dhe OSBE e zyrtarë të tjerë që të na thonë se ku është djali jonë, por kot, asnjë lajm dhe trishtohemi mos i ka ndodhë gjë e keqe”, theksoi për INA, kusheriri Burhan Haziri, duke kërkuar që dy zyrtarët më të lartë shtetëror shqiptar të deklarohen për fatin e 29 vjeçarit Haki Haziri.  Për fatin e Hakiut nuk di gjë edhe avokati i tij i autorizuar Elenko Milanov, i cili ka marrë përgjigje nga gjykata se nuk dijnë për personin e ndaluar gjatë operacionit “Monstër”.

Zëdhënësi i MPB-së, Ivo Kotevski i pyetur nga agjencia e lajmeve INA theksoi se din gjë për rastin dhe se ai kërkoi që për fatin e këtij personi të adresohet kërkesa tek gjykata dhe prokuroria.  Zhdukja e Haki Hazirit u denoncua nga INA, ditën e dorëzimit në gjykatë të gjithë të arrestuarëve nga operacioni “Monstër”, kur familjarët dhe avokati para gjykatës u deklaruan se djali i tyre nuk ishte sjellë në gjykatë dhe alarmuan për fatin e tij. (INA)